Әһли Бејт -АБНА- хәбәр аҝентлијинин вердији хәбәрә әсасән: Азәрбајҹандакы һиҹаб гадағасы вә мүсәлманларын репресија едилмәси гардаш Түркијәдә ҝениш етиразлара сәбәб олмагдадыр.
Белә ки, нөвбәти аксија Коҹаелидә јерли Мәдәнијјәт Тәшкилатлары Платформасы тәрәфиндән тәшкил едилиб.
Јанварын 15-дә Измит Инсан Һагглары паркында топлашанлар Түркијәдә һиҹаба гојулан гадаға илә башладылан мүбаризәнин 300-ҹү һәфтәсинә гәдәм гојулмасы мүнасибәтијлә бу Ислами ваҹибатын јасагланма тарихчәсинә нәзәр салыблар. Һәмчинин бу ҝүнләрдә Тунисдәки һадисәләр дә диггәт мәркәзиндә олуб. Билдирилиб ки, президент Зејналабидин Бин Әлинин бу ҝүн деврилмәсинин тәмәли Ислами әсаслара башладылан тәзјигләрлә гојулуб.
Аксија иштиракчылары Азәрбајҹандакы һадисәләрә дә биҝанә галмајыблар. Онлар дәрһал орта мәктәбләрдә һиҹаба гојулан гадағанын арадан галдырылмасыны, Ислам Партијасынын сәдри Мөвсүм Сәмәдовун азадлыға бурахылмасыны тәләб едибләр.
Тәдбир иштиракчылары әлләриндә "Һиҹаб Аллаһын әмридир", "Һиҹаба азадлыг!", "Сәмәдова азадлыг!", "Һиҹаба узанан әлләр кәсилсин!", "Сәмәдов јалгыз дејил!", "Сәмәдова салам олсун!" плакатлары дашыјыблар.
Гејд едәк ки, Акјазы, Конја вә Сакарјада да бу ҹүр аксијалар кечирилиб.
Диггәт: Хәбәрдән истифадә етдикдә мәнбәјә истинад лазымдыр
