"Јени Шәрг"ин вердији мәлумата ҝөрә, Исраилин блокадасында сахланылан Гәззаја һуманитар јардым апаран "Асијадан Гәззаја" јардым карванына гатылан јеҝанә азәрбајҹанлы, "Јени Шәрг" Арашдырмалар Мәркәзинин әмәкдашы Һаким Әлизадәнин сәһһәти дүнән ахшам кәскин писләшиб. Һаким Әлизадә тәҹили олараг бу ҝүн сәһәр саатларында тәјјарә илә Түркијәнин Истанбул шәһәринә чатдырылыб. Истанбулдакы хәстәханаларын бирндә јерләшдирлән Һаким Әлизадә һәким нәзарәтинә ҝөтүрүлүб.
Хатырладаг ки, Һаким Әлизадә Гәззадан дөнәркән Мисирин пајтахты Гаһирә јахынлығындакы Исмалијјә шәһәриндә автомобил гәзасына уғрамышды. Гәззаја һуманитар јардым апаран һәмјерлимиз автобусун ашмасы нәтиҹәсиндә баш вә бојун наһијјәсиндән ҹидди јараланмышды. Јанварын 9-у вәтәнә гајыдан Һаким Әлизадәнин сәһһәти дүнән ҝеҹә гәфил писләшиб.
Һаким Әлизадәнин јахынларынын вердији мәлумата ҝөрә, онун бојнундакы зәдәләнмиш һиссә шишәрәк рәнҝи ҝетдикҹә түнтләшиб вә кәскин ағрыларла мүшаһидә олунуб.
"Јени Шәрг" Арашдырмалар Мәркәзи олараг Һаким Әлизадәнин тезликлә сағалараг арамыза гатылмасыны Уҹа Аллаһдан диләјирик. Аллаһ шифа версин. Амин!
