Әһли Бејт -АБНА- хәбәр аҝентлијинин вердији хәбәрә әсасән: Әфганыстан һөкумәти банкларын шәриәт гајдалары илә фәалијјәт ҝөстәрмәсинә шәраит јаратмаг үчүн ҝенишмигјаслы ислаһатлар апармаг нијјәтиндәдир.
Өлкәнин Мәркәзи Банкындан билдирилиб ки, бу ислаһатлар банк системинә әһалинин индијәдәк банклара етибар етмәдији тәгрибән 3 млрд. доллар вәсаити ҹәлб етмәјә имкан верәҹәк.
Әфганыстан һөкумәтинин планларына ҝөрә, 2012-ҹи илин сонунда өлкәдә азы 6 Ислам банкы фәалијјәтә башламалыдыр. Артыг бунунла бағлы ганун лајиһәси һазырланыб.
Гејд едәк ки, һазырда Әфганыстандакы 17 банкдан јалныз 7-си әһалијә ҹәми ики нөв хидмәт тәклиф едир - кредит вә әманәтләр. Јени ганун исә шәриәт банкчылығына ујғун олараг әһалијә даһа чох хидмәт ҝөстәрмәјә, о ҹүмләдән дебит картлар вә инвестисија тәклифләри етмәјә имкан верәҹәк. Бу ганун гәбул едиләндән сонра Малијјә Назирлији вә Мәркәзи Банк ислам истигразлары бурахмаг нијјәтиндәдир.
Хатырладаг ки, Әфганыстанын 29 млн. нәфәр әһалисинин 99%-и мүсәлмандыр. 2010-ҹу илдә Ислам малијјәси илә мәшғул олан малијјә тәшкилатларынын активләри 1 трлн. доллары кечиб.
СУАЛ: Азәрбајҹанын 8 мил-дан чох олан әһалисинин 98% мүсәлман олдуғу һалда бәс нә вахт һөкүмәт банк системини исламлашдыраҹаг?
Диггәт:Хәбәрдән истифадә етдикдә мәнбәјә истинад лазымдыр
