Мәлумата ҝөрә, “Когалымавиа” авиасија ширкәтинә мәхсус “Ту-154” тәјјарәси Москваја учуш едәркән јаранмыш насазлыг сәбәбиндән ҝери гајыдараг Сургут аеропортуна гәза ениши едиб. Учуш золағына енән тәјјарәдән сәрнишинләр евакуасија едиләндән аз сонра јанаҹаг чәнләриндә парлајыш баш вериб. Партлајыш нәтиҹәсиндә башлајан јанғын 10 дәгигә чәкиб вә тәјјарә демәк олар ки, тамамилә јаныб.
Һадисә илә бағлы Русија Ҹинајәт Мәҹәлләсинин һәрәкәтин тәһлүкәсизлији вә һава нәглијјатынын истисмары гајдаларынын позулмасы (еһтијатсызлыгдан ики вә даһа артыг шәхсин өлүмүнә сәбәб олмагла) маддәси илә ҹинајәт иши башланыб.
Дәгигләшдирилмиш мәлуматлара ҝөрә, һадисә нәтиҹәсиндә 3 нәфәр өлүб, 44 нәфәр хәсарәт алыб. Өләнләрдән биринин – гадынын мејити јанмыш тәјјарәнин галыглары алтындан чыхарылыб. Уралын Нәглијјат Прокурорлуғундан өләнләрин биринин ушаг олдуғу билдирилиб. Јаралылар Сургут хәстәханасына јерләшдирилибләр. Даһа бир нәфәр исә хәстәханада өлүб.
Һадисә баш верәркән тәјјарәнин ҝөјәртәсиндә 134 сәрнишин олуб.
Диггәт: Хәбәрдән истифадә етдикдә мәнбәјә истинад лазымдыр.
