Әһли Бејт -АБНА- хәбәр аҝентлијинин вердији хәбәрә әсасән: Нардаран кәнд сакини Һаҹы Әли Һүсејнова һөкм охунуб. Декабрын 23-дә Сабунчу Рајон Мәһкәмәсиндә һаким Таһир Губадов сәдрлији илә кечирилән просесдә Ә. Һүсејнов 2 ил 6 ај мүддәтинә азадлыгдан мәһрум едилиб.
Гејд едәк ки, тәгсирләндирилән Һаҹы Әли Һүсејнов сентјабрын 22-дә саат 18.00 радәләриндә кәнд әразисиндә Нардаран Пиринә ҝедән күчәдә абадлыг ишләри апараркән полис тәрәфиндән сахланыб. Һеч бир бир ҹинајәти олмајан Һаҹы Әли Һусејнову дөвләт структурлары тәрәфиндән верилән ҝөстәришә әсасән полис мәмурлары тәрәфиндән онун үзәринә
наркотик маддәси гојулуб вә бунунлада Һаҹы Әли Һүсејнова гаршы
Азәрбајҹан Ҹинајәт Мәҹәлләсинин 234.1-ҹи маддәси илә (сатыш мәгсәди олмадан ганунсуз
олараг наркотик васитәләри вә ја психотроп маддәләри шәхси истеһлак мигдарындан
артыг мигдарда әлдә етмә вә ја сахлама) јаланчы иттиһам елан едилиб.
Хатырладаг ки, Һаҹы Әли Һүсејнов 2009-ҹу ил јанварын 9-да
Нардаран гәсәбәсиндә Азәрбајҹанда апарылан исламофобија ја гаршы кечирилән митинг заманы Вәтәндаш Һәмрәјлији Партијасынын
сәдри, Милли Мәҹлисин депутаты Сабир Рүстәмханлынын өлдүрүлмәси илә бағлы фәтва
вердијинә ҝөрә, 1 ил мүддәтинә азадлыгдан мәһрум едилмишди.
Диггәт: Хәбәрдән истифадә етдикдә мәнбәјә истинад лазымдыр
