Әһли Бејт -АБНА- хәбәр аҝентлијинин вердији хәбәрә әсасән: Истанбулда Иран, Түркијә вә Азәрбајҹан хариҹи ишләр назирләри Әли Әкбәр Салеһи, Әһмәд Давудоғлу вә Елмар Мәммәдјаров арасында үчтәрәфли ҝөрүш олуб.
Ҝөрүш Игтисади Әмәкдашлыг Тәшкилатына (ИӘТ) үзв өлкәләрин дөвләт вә һөкумәт башчыларынын зирвә топлантысы чәрчивәсиндә баш тутуб. Ҝөрүшдән сонра тәрәфләр бирҝә бәјанатла чыхыш едибләр. Бәјанатда гејд олунуб ки, хариҹи ишләр назирләри өлкәләр арасында тарихи, мәдәни, игтисади, достлуг мүнасибәтләрини, реҝионда вә глобал дүнјада сүлһүн тәмин олунмасы, бөлҝәдә силаһ, наркотик вә инсан тиҹарәтинә гаршы мүбаризә тәдбирләри, дондурулмуш мүнагишәләрин дөвләтләрин әрази бүтөвлүјү чәрчивәсиндә һәллинә даир мүзакирәләр апарыблар.
Гәрара алыныб ки, назирләр мүтәмади ҝөрүшләр кечирәрәк бөлҝәдәки мәсәләләрин һәллинә даир мүзакирәләр апарсынлар.
Нөвбәти ҝөрүшүн Иранда кечирилмәси гәрара алыныб.
Диггәт: Хәбәрдән истифадә етдикдә мәнбәјә истинад лазымдыр
