Әһли Бејт -АБНА- хәбәр аҝентлијинин вердији хәбәрә әсасән: Ислам Ингилабынын Бөјүк Рәһбәри Ајәтуллаһил Үзма Хаменеи Чабаһарда төрәдилмиш террор акты илә бағлы Иран халгына мүраҹиәт едибләр.
Һәзрәт Ајәтуллаһил Үзма Хаменеинин онларла Чабаһар әһалисинин шәһид олмасы илә нәтиҹәләнән террор акты илә бағлы вердикләри бәјанатда гејд олунуб: Иран халгы дүшмәнин һәдәфләрини баша дүшүб.
Бу өлкә халгы јахшы билир ки, бејнәлхалг империализм ислам үммәтинин гүдрәтини ҝөрмәк истәмир.
Бөјүк Ингилаб Рәһбәринин нүмајәндәси Ајәтуллаһ Гуми ҹүмә ҝүнү (17 декабр) Иранын ҹәнуб-шәрги Чабаһар шәһәриндә чәршәнбә ҝүнү Мәһәррәм ајынын 9-да бу шәһәрдә төрәдилмиш террор актында шәһид оланларын сон мәнзилә јола салынма мәрасиминдә Бөјүк Ингилаб Рәһбәринин мүраҹиәтини охујублар.
Мүраҹиәтдә дејилир: Мүсәлманлар арасындакы бирлик вә ислам аләминин гүдрәти онлары гәзәбләндирир.
Онлар Ашура гијамынын мүсәлманлара вердији дәрсдән вә исламы һәмрәјликдән горхурлар.
Бәјанатын давамында гејд олунуб: Әҝәр Кәрбәлада Имам Һүсејн (ә) шәһид олмушдурса, инди ики ајлыг көрпә илә ана, гадын-киши вә ушаг ганларына гәлтан едилиб.
Мүраҹиәтин давамында дејилир: Дүшмәнләр Иранда уранын зәнҝинләшдирилмә фәалијјәтини гәбул едә билмир. Ислам вә онун дүшмәнләринин проблеми исә бундан ибарәтдир.
Чәршәнбә ҝүнү ( 15 декабр ) Мәһәррәм ајынын 9-у Систан вә Блучестан останынын Чабаһар шәрәһиндә төрәдилмиш террор актында 39 нәфәр шәһид олуб, 55 нәфәр јараланмышдыр.
Диггәт: Хәбәрдән истифадә етдикдә мәнбәјә истинад лазымдыр.
