Әһли Бејт -АБНА- хәбәр аҝентлијинин вердији хәбәрә әсасән: Имам Һүсејн вә Һәзрәт Аббас (ә) зијарәтҝаһларынын әзадарлыг дәстәләри үзрә рәсми нүмајәндәси Һашим Мусәви дејиб ки, Ашура мәрасимләринә гатылмаг үчүн индијәдәк 665 әзадарлыг һејәти гејдијјата алыныб.
Башчылыг етдији гурумла Ирагын тәһлүкәсизлик гүввәләри арасында сых әмәкдашлығын јаранмасына тохунан Һашим Мусәви гејд едиб ки, бу бөлүмә Ираг вә диҝәр Ислам өлкәләриндән Кәрбәлаја ахышан әзадар дәстәләр үчүн координасија ишләрини һәјата кечирир.
Имам Һүсејн(ә) Ашурасынын илдөнүмүндә зәвварларын артмасы илә Кәрбәлада тәһлүкәсизлик тәдбирләри ҝүҹләндирилиб вә Ираг рәсмиләри шәһәрдә әмин-аманлығын горунмасы мәгсәди илә 30 минәдәк полис мәмуруну Кәрбәланын әтрафында јерләшдириб. Бундан әлавә, шәһәр әтрафында јохлама-бурахылыш мәнтәгәләри дә јарадылыб.
Диггәт: Хәбәрдән истифадә етдикдә мәнбәәә истинад лазымдыр.
