Республика Баш Прокурорлуғу вә Игтисади Инкишаф Назирлијинин бирҝә мәлуматында билдирилир ки, Игтисади Инкишаф Назирлији јанында Антиинһисар Сијасәти вә Истеһлакчыларын Һүгугларынын Мүдафиәси Дөвләт Хидмәти тәрәфиндән Бакы шәһәри, Нәсими рајону, Тағызадә күчәси, 45 үнванында фәалијјәт ҝөстәрән физики шәхс Рзаханов Мирзә Еһтигат оғлуна мәхсус објектдә әт мәһсулларынын истеһсалы вә сатышынын ганунаујғунлуғу јохланылыб. Јохлама заманы објектин сојудуҹусундакы 1847 килограм вә сатыш јериндә олан 609 килограм мал әтинә оргонолептик бахыш кечириләркән гаралма вә гејри-спесифик гохунун олдуғу мүәјјән едилиб. Бунунла әлагәдар һәмин мәһсулларын јарарлылығынын мүәјјән едилмәси мәгсәдилә нүмунәләр ҝөтүрүләрәк Республика Бајтарлыг Лабораторијасына ҝөндәрилиб.
Апарылмыш бактериоложи мүајинә илә сатыш јериндән ҝөтүрүлмүш нүмунәләрдә бактериоложи чиркләнмә ашкар едилиб, ејни заманда сојудуҹу вә сатыш јериндән ҝөтүрүлмүш бүтүн нүмунәләрин гида үчүн јарарсыз олмасы, һәмчинин әтин хәстә вә ја өләндән сонра кәсилмиш мал әти олдуғу мүәјјән едилиб.
Игтисади Инкишаф Назирлији тәрәфиндән топланмыш материаллар һүгуги гијмәт верилмәси үчүн Баш Прокурорлуға ҝөндәрилиб. Апарылмыш арашдырма заманы топланмыш материалларда күлли мигдарда зијан вурмагла истеһлакчыларын алдадылмасы вә физики шәхсләрин ганунла горунан мәнафеләринә мүһүм зәрәр вурулмасы илә нәтиҹәләнән вәзифә сәлаһијјәтләриндән суи-истифадә ҹинајәтләринин әламәтләри мүәјјән едилдијиндән, фактла бағлы Азәрбајҹан Республикасы Ҹинајәт Мәҹәлләсинин 200.2.3 (күлли мигдарда зијан вурмагла истеһлакчылары алдатма вә ја пис кејфијјәтли мәһсул истеһсал етмә вә сатма) вә 308.1-ҹи (вәзифә сәлаһијјәтләриндән суи-истифадә) маддәләри илә ҹинајәт иши башланыб вә истинтагын апарылмасы Баш прокурор јанында Коррупсијаја гаршы мүбаризә идарәсинә һәвалә едилиб.
Һазырда ҹинајәт иши үзрә истинтаг-әмәлијјат тәдбирләри давам етдирилир.
Диггәт: Хәбәрдән истифадә етдикдә мәнбәјә истинад лазымдыр.
