Әһли Бејт -АБНА- хәбәр аҝентлијинин вердији хәбәрә әсасән: АБШ-ын Бејнәлхалг Атом Енержиси Аҝентлијиндәки нүмајәндәси Глин Дејвис сөјләјиб ки, Шимали Корејада әлавә уран зәнҝинләшдирән објектләрин иншасы ашкардыр. О, гурумун мүдирләр шурасынын Вјанада кечирилән иҹласында чыхыш едиб.
Дејвисин сөзләринә ҝөрә Вашингтон Шимали Корејанын иддиасына зидд олараг, Пхенјанын һәлә 2009-ҹу илин апрелиндән әввәл уран зәнҝинләшдирмәјә башладығына инаныр. Шимали Кореја бу һәфтәнин әввәлиндә јүнҝүл су реактору үчүн јарарлы минләрлә сентрифугаја малик уран зәнҝинләшдирән објект инша етдијини хәбәр вериб. Пхенјан бу програмын динҹ мәгсәдләрә хидмәт етдијини дејир.
Диггәт: Хәбәрдән истифадә етдикдә мәнбәјә истинад лазымдыр
