Әһли Бејт -АБНА- хәбәр аҝентлијинин вердији хәбәрә әсасән: Ермәнистан президенти Серж Саркисјан Русијаја ики ҝүнлүк ишҝүзар сәфәрә јолланыб. С. Саркисјаны диаспора назири Грануш Акопјан, хүсуси тапшырыглар үзрә сәфир Аркади Гукасјан, Ермәнистанын Русијадакы сәфири Олег Јесајан вә диҝәр рәсми шәхсләр мүшајиәт едир.
С. Саркисјан Москвада “Һајастан” Үмумермәни Фондунун кечирәҹәји хејријјә марафонунда иштирак едәҹәк. Тәдбирә Русијадакы ермәни иш адамлары да гатылаҹаг.
Ермәнистан президентинин әсас ҝөрүшләри нојабрын 17-дә олаҹаг. О, Русија президенти Дмитри Медведев вә баш назир Владимир Путинлә икитәрәфли ҝөрүшләр кечирәҹәк. С. Саркисјан һәмин ҝүн ахшам Русија Ермәниләри Иттифагынын 10 иллији мүнасибәтилә “Президент” отелиндә тәшкил олунаҹаг тәдбирдә вә Кремлдә кечириләҹәк бајрам консертиндә иштирак едәҹәк.
Нојабрын 18-дә Ермәнистан президентинин мәшһур актјор Армен Ҹигарханјан, “Россиа Тодај” телеширкәтинин рәһбәри Маргарита Симонјан вә диҝәр шәхсләри дөвләт мүкафатлары илә тәлтиф етмәси нәзәрдә тутулуб.
Диггәт: Хәбәрдән истифадә етдикдә мәнбәјә истинад лазымдыр
