Әһли Бејт -АБНА- хәбәр аҝентлијинин вердији хәбәрә әсасән: И. И. Р-сынын Фарс Көрфәзиндәки Киш адасында кечирилән авиасија сәрҝисиндән сонра чыхыш едән ҝенерал-мајор Әһмәд Ваһиди дејиб ки, белә бир системин јарадылмасы үчүн вахт ҹәдвәли артыг тәјин едилиб:
"Узагмәнзилли һавадан мүдафиә сипәри бизим ҝүндәлијимиздәдир, - дејиб ҝенерал, - Әлбәттә, буна вахт лазым олаҹаг, лакин Аллаһ гојса, бу ишләр мүәјјән едилмиш вахт чәрчивәсиндә баша чатдырылаҹаг."
Русијанын РИА Новости аҝентлији билдирир ки, Теһран бу гәнаәтә Москва она С-300 типли ракетләри сатмагдан имтина етдикдән сонра ҝәлиб.
Хатырладылыр ки, Русија Иранла 2007-ҹи илдә С-300ПМУ-1 ракет системинин беш баталјонуну сатмаг барәдә сазиш имзаласа да, сонрадан БМТ Тәһлүкәсизлик Шурасынын санксијаларына гошулараг сөвдәләшмәдән имтина етди.
Бригада ҝенералы Мәһәммәдһәсән Мәнсуриан дејиб ки, АБШ вә Исраил тәрәфиндән тәзјигләр Теһраны белә бир аддым атмаға мәҹбур едир.
Ҝенерал дејиб ки, принсип етибарилә С-300-ләри хатырладан бу системә дахил олаҹаг Мерсад вә Шаһин ракетләри јарадылаҹаг.
Русија мәнбәләри хәбәр верирләр ки, Москва јахынмәнзилли ракетләрдән ибарәт һавадан мүдафиә системи олан Тор-М1-ләрдән 29-ну Ирана һәр һалда 2005-ҹи илдә 700 милјон доллара сатыб вә һәтта Русија һәрби мүшавирләри системлә ишләмәк үчүн Иран һәрбчиләринә тәлим дә кечибләр.
Диггәт: Хәбәрдән истифадә етдикдә мәнбәјә истинад лазымдыр
