Әһли Бејт -АБНА- хәбәр аҝентлијинин вердији мәлумата ҝөрә, һәр ил кечирилән Нәсими Милли Әдәбијјат Мүсабигәси (МӘМ) јени истедадларын үзә чыхарылмасы вә тәблиғи мәгсәди илә кечирилән мүсабигәнин гајдаларында бу илдән етибарән јениликләр едилиб.
Әлавәләрә ҝөрә, јени истедадларла јанашы, илин әдәби јекунлары да дәјәрләндириләҹәк. Ики мәрһәләдә кечириләҹәк мүсабигәдә илкин олараг “Илин романы” вә “Илин шеир китабы” сечиләҹәк. Мүсабигәнин бу мәрһәләсинә мүәллифләрдән әсәрләр гәбул олунмајаҹаг. Галибләр Експертләр Шурасынын һәр бир үзвүнүн үмуми дәјәрләндирмәјә тәгдим едәҹәји әсәрләр арасындан сечиләҹәк. Илин әдәби јекунларындан әлавә, баш мүкафат олараг сон 10 илин уғурлу әдәби әсәри дә елан олунаҹаг.
Мүсабигәнин икинҹи мәрһәләси исә әнәнәви олараг јени истедадларын үзә чыхарылмасы мәгсәди дашыјаҹаг. Ҝәнҹ мүәллифләр һеч бир јердә дәрҹ олунмајан 3 шеир вә ја һекајә илә бу номинасијаја гатыла биләрләр.
I мәрһәләнин галибләри 25 декабр 2010-ҹу илдә, икинҹи мәрһәләнин галибләри исә 2011-ҹи илдә 2 феврал Ҝәнҹләр Ҝүнүндә елан олунаҹаг.
Гејд едәк ки, мүсабигәнин тәшкилатчысы www.култаз.ҹом мәдәнијјәт порталыдыр. Мүсабигә 2008-ҹи илдән кечирилир.
Диггәт: Хәбәрдән истифадә етдикдә мәнбәјә истинад лазымдыр
