Әһли Бејт -АБНА- хәбәр аҝентлијинин вердији хәбәрә әсасән: “Новости-Армениа” сајтын вердији мәлумата ҝөрә, бу барәдә Ермәнистан мүдафиә Назирлијинин мәтбуат хидмәти хәбәр јајыб.
Хәбәрдә билдирилир ки, һәмин шәхс Ермәнистан сәрһәдини гејри-гануни кечиб.
Назирлијин мәтбуат хидмәтиндән билдирилиб ки, тәһвил вермә нојабрын 4-дә саат 12.00-да Ермәнистан-Азәрбајҹан тәмас хәттинин шимал-шәргиндә - Иҹеван-Газах јолунда баш тутаҹаг. Мәлуматда, һәмчинин дејилир ки, бу аксија октјабрын 27-дә Һәштәрханда Ермәнистан, Азәрбајҹан вә Русија президентләринин имзаладыглары сазишә әсасән һәјата кечирилир. Тәһвил вериләҹәк шәхсин ады ачыгланмыр.
Гејд едәк ки, һазырда Ермәнистанда әсирликдә олан Товуз рајон Әлибәјли кәнд сакини, 1963-ҹү ил тәвәллүдлү Тағыјев Елдар Һејдәр оғлу 2009-ҹу ил декабрын 28-и, саат 18.00 радәләриндә Товуз рајонунун Әлибәјли кәнди истигамәтиндә, тәмас хәттинин јахынлығында атәшә тутулуб, даһа сонра ермәни һәрбчиләри тәрәфиндән ҝиров ҝөтүрүлүб.
Диггәт: Хәбәрдән истифадә етдикдә мәнбәјә истинад лазымдыр
