Әһли Бејт -АБНА- хәбәр аҝентлијинин вердији хәбәрә әсасән: АБШ-ын Конгресинин Вирҝинја штатындан олан үзвү Ҹејмс П. Моран Азәрбајҹан диаспоруна мәктуб ҝөндәриб. Мәктубда гејд олунуб ки, АБШ Дөвләт Департаменти Азәрбајҹан вә Ермәнистаны Дағлыг Гарабағ Конфликтини һәлл етмәјә вә сүлһ вә тәһлүкәсизлијин тәмин олунмасы илә бағлы ирәли аддым атмаға һәвәсләндирәҹәк.
Азәрбајҹанлыларын јығҹам шәкилдә мәскунлашдығы штатлардан бирини тәмсил едән сенатор Моран һәм дә Азәрбајҹан үзрә ишчи групунун үзвүдүр: “Азәрбајҹанла Ермәнистан арасында мүнагишә узун мүддәтдир давам едир вә хејли инсанын өлүмүнә сәбәб олуб. 1992-ҹи илдә төрәдилмиш Хоҹалы сојгырымы әсл вәһшилик нүмунәси иди”.
Конгресмен гејд едиб ки Бирләшмиш Штатлар Дағлыг Гарабағ мүнагишәсинин һәллинә даир АТӘТ-ин Минск Групунун чохтәрәфли сәјләрини актив шәкилдә дәстәкләјир: “Мән Гафгазда олмушам вә билаваситә о әразијә бәдбәхтлик ҝәтирән ишләри ҝөрмүшәм. АБШ Дөвләт Департаменти Азәрбајҹан вә Ермәнистанын Дағлыг Гарабағ мүнагишәсини һәлл етмәјә вә сүлһ вә тәһлүкәсизлијин тәмин олунмасына даир ирәли аддым атмаға һәвәсләндирәҹәк”.
Гејд едәк ки, Азәрбајҹанын Ермәнистан тәрәфиндән ишғал олмуш торпагларынын сүлһ јолу илә Азәрбајҹана ҝери гајтарылмасы мәнтигә сығмаз бир шејдир. Ган баһасына алынан торпаглар јалныз ган баһасы илә ҝери гајтарыла биләр. Нәтиҹәдә белә мәлум олур ки, АБШ Конгресинин мәктубу Азәрбајҹаны рәсми торпағы олан вә һал һазырда Ермәни ишғалчыларын әлиндә галан Дағлыг Гарабағы Ермәнистана бир јол илә рәсми сүрәтдә һәдијјә вермәси демәкдир.
Диггәт: Хәбәрдән истифадә етдикдә мәнбәјә истинад лазымдыр
