Әһли Бејт -АБНА- хәбәр аҝентлијинин вердији хәбәрә әсасән: “Армениа тодај” хәбәр порталынын вердији мәлумата ҝөрә, Т. Бәкләвич бу ҝүн Ирәванда кечирдији мәтбуат конфрансында дәрһал сонра тутулуб. Ермәнистан һүгуг-мүһафизә органлары бу хәбәри нә тәсдиг, нә дә тәкзиб едибләр.
Т. Бәкләвичин мүшавири Мурад Аксу да Түркијә хәбәр аҝентликләринә ачыгламасында партија лидеринин Ермәнистанда сахланылдығыны вә онун талејиндән хәбәр ала билмәдикләрини сөјләјиб.
Гејд едәк ки, Түркијә илә Ермәнистан арасында имзаланан Сүрих протоколларынын илдөнүмүндә - октјабрын 10-да ики өлкә сәрһәдиндәки Арпачајы кечәрәк Ермәнистана ҝедән Т. Бәкләвич октјабрын 28-дә јенидән бу өлкәјә сәфәр едиб.
Ону да әлавә едәк ки, Азәрбајҹана дүшмән өлкәси олан Ермәнистанда Азәрбајҹана гардаш сајылан Түркијә дөвләтинин сијаси партијасынын нә иши ола биләрди!?
Диггәт: Хәбәрдән истифадә етдикдә мәнбәјә истинад лазымдыр
