Әһли Бејт -АБНА- хәбәр аҝентлијинин вердији хәбәрә әсасән: Рома-католик килсәсинин јепископларынын Синодунун Јахын Шәргә һәср олунмуш хүсуси ассамблејасы БМТ вә дүнја иҹтимаијјәтинә Фәләстин әразиләринин Исраил тәрәфиндән ишғалына сон гојулмасы чағырышы илә мүраҹиәт едиб.
Рома Папасы ХВЫ Бенедиктин сәдрлији вә 185 јепископун иштиракы илә кечирилән форумун јекун сәнәдиндә БМТ Тәһлүкәсизлик Шурасынын гәтнамәсинә ујғун олараг 1967-ҹи ил сәрһәдләринин бәрпа олунмасы тәләби өз әксини тапыб.
Ассамблејанын ишинин баша чатмасына һәср олунмуш мәтбуат конфрансында Синодун катиби архијепископ Никола Етерович вә Јахын Шәрг патриархлары Инҹилин Фәләстин торпагларынын ишғалы үчүн истифадә олунмасынын гәбул едилмәз олдуғуну бәјан едибләр.
«Биз христианлар даһа о торпагларын јәһудиләр үчүн нәзәрдә тутулдуғуну дејә билмәрик», дејә Нјутон (АБШ) јунан-мелкит архијепископу монсенјор Кирилл Салим Бастрос билдириб. О хатырладыб ки, сөзүҝедән иддиаја ҝөрә Исраилин јәһуди олмајан 1,5 милјонлуг әһалисинин һүгуглары позулур.
Диггәт: Хәбәрдән истифадә етдикдә мәнбәјә истинад ваҹибдир.
