Әһли Бејт -АБНА- хәбәр аҝентлијинин вердији хәбәрә әсасән: Конфрансда Иран Ислам Республикасы, Сурија, Бирләшмиш Әрәб Әмирликләри, Түркијә, Мисир, Бәһрејн, Малазија, Өзбәкистан вә ИСЕСҸО-нун мәдәнијјәт вә туризм саһәләриндә чалышан нүмајәндәләри иштирак едир. Конфрансда ИКТ-јә
үзв өлкәләрдә гејри-мадди ирсин горунмасы вә тәблиғинә даир әсас фикирләр тәдгиг вә мүзакирә едилиб. Азәрбајҹан тәрәфиндән исә конфрансда Мәдәнијјәт вә Туризм Назирлијинин, Азәрбајҹан Туризм Институтунун, Ләтиф Кәримов адына Азәрбајҹан халчачы вә халг тәтбиги сәнәти Дөвләт Музејинин, “Игбал” Иҹтимаи тәшкилатынын, “Миллениум Туризм Ҹонҝресс” туризм ширкәтинин нүмајәндәләри мүхтәлиф мөвзулар үзрә тәгдиматлар кечирибләр.
Туризм Шөбәсинин хариҹи туризм секторунун мүдири Сәбинә Задајева журналистләрә конфрансын мәгсәдиндән данышыб: “Бу ҝүн кечирилән конфрансын әсас мәгсәди ИКТ-јә үзв өлкәләрин нүмајәндәләри илә гејри-мадди ирсин горунмасы мөвзусунда фикир мүбадиләси апармагдыр”.
Тәдбирә гатылмыш ИСЕСҸО-нун Теһранда јерләшән Реҝионал Офисинин рәһбәри Сәдри Аббас исә дејиб ки, бу конфранс Ислам дүнјасында гејри-мадди ирсин горунмасы наминә бу саһәдә експерт олан вә бир-бири илә достлуг едәнләрин јығынҹағыдыр: “Ислам дүнјасы үчүн гејри-мадди ирс чох ваҹибдир вә бүтүн Ислам өлкәләриндә бөјүк рол ојнајыр. Буна ҝөрә дә биз чалышмалыјыг ки, бу ирси горујуб сахлајаг вә ону јенидән ҝүндәмә ҝәтирәрәк, она јенидән һәјат вериб ҝәләҹәк нәсилләрә өтүрәк”.
Гејд едәк ки, “Ислам Конфрансы Тәшкилатына үзв өлкәләрдә гејри-мадди ирсин горунмасы вә тәблиғи” мөвзусунда кечирилән конфранс ики ҝүн, сессијаларла давам едәҹәк.
Диггәт: Хәбәрдән истифадә етдикдә мәнбәјә истинад ваҹибдир.
