Әһли Бејт -АБНА- хәбәр аҝентлијинин вердији хәбәрә әсасән: “РИА Новости”јә истинадән хәбәринә ҝөрә, президентин мәтбуат катиби Наталја Тимакова билдириб ки, тәлтиф олунанлар арасында бу илин јајында АБШ-да ифша олунараг Русијаја ҝөндәрилән шәхсләр дә вар.
Бунунла белә, Н.Тимакова конкрет ад чәкмәкдән вә сөзүҝедән шәхсләрин һансы мүкафатлара лајиг ҝөрүлмәси һагда мәлумат вермәкдән јајыныб.
Гејд едәк ки, 27 ијун 2010-ҹу илдә АБШ-да Русијанын 10 нәфәрдән ибарәт ҹасус групу ифша олунуб. Бунлар Анна Чапман, Ричард вә Синтија Мерфи, Хуан Лазаро вә Вики Пелаес, Мајкл Зотолли, Патрисија Миллз, Михаил Семенко, Доналд Ховард Хитфилд вә Трејси Ли Енн Фолидир. Сонрадан бу шәхсләр ҹасуслугда иттиһам олунараг мүхтәлиф мүддәтләрә азадлыгдан мәһрум едилмиш Русија вәтәндашлары илә дәјишдирилиб.
Диггәт: Хәбәрдән истифадә етдикдә мәнбәјә истинад лазымдыр.
