Әһл Бејт -АБНА– хәбәр аҝентлији хәбәр верир : Фактхебер.ҹом-ун вердији мәлумата ҝөрә, АБШ президенти Барак Обаманын Азәрбајҹан сәфирлији үчүн намизәдлијини ирәли сүрдүјү Брајза, Гафгазын һәр бөлҝәсиндә танынан тәҹрүбәли дипломат, Сенат Хариҹи Әлагәләр Палатасы тәрәфиндән 2-јә гаршы 17 сәслә тәсдигләнди. Анҹаг Боксер, Брајзанын тәјин едилмәсини дондурараг Сенатын тәсдигинә мане олду. Бу исә о демәкдир ки, сенаторлуға јенидән сечилмәк үчүн Ҹарли Фиоринаја гаршы мүбаризә апаран Боксер, Калифорнијадакы ермәни ҹәмијјәтинин етимадыны газанмаг истәјир.
Диҝәр тәрәфдән, Канзаслы сенатор Сам Броунбак, Обаманын Түркијәјә ҝөндәрмәк истәдији Франк Рикиардоненин тәјин олунмасына мане олмушду. Сенаты бу јахынларда тәрк едәҹәк Броунбак, хариҹи ишләр назири Һиллари Клинтона ҝөндәрдији мәктубда, Рикиардоненин демократијаны дәстәкләмәк вә инсан һаггларыны мүдафиә етмәк мөвзусунда гејри-кафи олдуғуну билдириб. Тәҹрүбәли дипломат олан Рикиардоне, Гаһирә вә Кабил сәфирлијинин көмәкчиси вәзифәсиндә ишләјиб. О, түркҹә сәрбәст даныша билр.
Азәрбајҹан вә Түркијә чәтин бир бөлҝәдә јерләшир вә АБШ-ын бу өлкәләрдә јахшы сәфирләрә еһтијаҹы вар. Хатырладаг ки, АБШ Анкарадакы кечмиш сәфири Ҹејмс Жеффреј, ијул ајында Түркијәдән ајрылараг Ирага ҝетмишди. Азәрбајҹан сәфирлији исә 2009-ҹу илдән бәри бошдур. Диггәтини бир чох башга проблемә јөнәлдән Ағ Ев, Сената АБШ президентинин намизәдләрини тәсдигләмәси үчүн етдији тәзјигләр бир гәдәр азалыб. Сәфирләрин тәјин олунмамасы анҹаг Боксер вә Броунбакын сечки кампанијасына көмәкчи ола биләр. Анҹаг ејни заманда бу ҹүр хариҹи сијасәт АБШ-ын Гафгаздакы нүфузуну бир о гәдәр итирир. Артыг Гафгазда АБШ-а ҝүҹлү мүттәфиг ким бахылмыр. АБШ-дан сојуг мүнасибәт ҝөрән Түркијә исә, үзүнү шәргә тәрәф чевириб.
Емин Нәсирли
Диггәт : Хәбәрдән истифадә етдикдә мәнбәјә истинад лазымдыр .
