Һаҹы Азәр Ҹәбијев: "Һеч заман зүлмү, һагсызлығы вә әхлагсызлығы гәбул етмәјән ҝәнҹәлиләр һәгиги мүбаризәдән ҝери чәкилмәк нијјәтиндә дејилләр"
Доғулуб, боја-баша чатдығы доғма шәһәри Ҝәнҹәдән сүрҝүн едилән Һаҹы Азәр Ҹәбијевин ФактХебер.ҹом-а мүсаһибәсини тәгдим едирик.
- Һаҹы, билдијимиз кими сизи 10 ҝүнлүк һәбс етмишдиләр. Бу, нә илә бағлы иди?
- Диндар вә мөмин гардашларымыздан бирини 8 ҝүн һәбс етмишдиләр. Онлар Бејнәлхалг Гүдс ҝүнү мүнүсибәти илә сионизмә етираз олараг Исраилин Азәрбајҹандакы сәфирлијинин гаршысында динҹ аксија кечирмәк истәркән сахланылмышдылар. Биз дә бир дәстә ҝәнҹ һәмин шәхсләрин азадлыға чыхдығы ҝүн сахлама тәҹридханасынын гаршысына ҝәлдик. Һәмишә олдуғу кими јенә полис тәрәфиндән бир сыра ганунпозунтулары баш верди. Әслиндә биз сакитҹә дајаныб һәмин шәхсләри гаршыламаг истәјирдик. Амма тәзјиг вә тәһгирләрә мәруз галдыг. Бизимлә ҝедән диндарлары полис машынларына миндириб мүхтәлиф полис бөлмәләринә апардылар. Ҝәнҹә, Јевлах, Ләнкәран вә диҝәр рајонлардан да диндарлар ҝәлмишди. Ҝәнҹәдән ҝәләнләрин тәгрибән 35-40 нәфәрини өз рајонларына гајтардылар. Полис бөлмәләриндә бизә гаршы чох тәһгирамиз ифадәләр ишләдиб вә һәтта бир нечәсини дә дөјдүләр. Дедиләр ки, ҝедин бир даһа белә јерләрә ҝәлмәјин. Јохса “үздәнираглары” сизин үзүнүзә дурғузуб, сизи шәрләјәҹәјик. Инди Ҝәнҹәдә ҹамаат горху ичиндә јашајыр. Һәтта ән јахын дост да бир-бириндән узаг ҝәзир. Јаландан тутаҹаглары илә горху јарадырлар. Шәхсән мәним валидејнләрими Ҝәнҹә Шәһәр Баш Полис Идарәсинин рәиси Расим Мусајев чағырыб онлары тәһгир едиб вә билдириб ки, Азәри мүтләг тутаҹағам, һәләлик она
