Әһл Бејт-АБНА-хәбәр аҝентлијинә верилән хәбәрә әсасән Сурија президенти Бәшар Әсәд мараглы ачыглама илә чыхыш едиб. О дејиб ки, әҝәр Түркијә илә Исраил арасындакы мүнасибәтләр нормаллашмаса, Түркијә үчүн бөлҝәдәки бәзи проблемли мәсәләләрин јолуна гојулмасында рол алмаг чәтинләшәҹәк. Бу исә өз нөвбәсиндә мүнагишә зонасында васитәчилик миссијасынын сона чатмасы вә саваш еһтималынын артмасы демәкдир.
Испанијада данышан Әсад Исраил-Түркијә мүнасибәтләриндәки ҝәрҝинлијин бөлҝәјә зәрәр вердијини бәјан едиб. Онун сөзләринә ҝөрә, бу мүнасибәтләрин пис олмасы бүтүн Орта Шәрг үчүн ҹидди проблемдир. Сурија президенти јаранмыш дурумун сәбәби кими "Мави Мармара" ҝәмисинә силаһлы басгыны ҝөстәриб вә буна ҝөрә Исраилин сучлу олдуғуну дејиб.
Сурија илә Исраил арасында сүлһ мүзакирәләринә дә тохунан Әсад Фәләстинлә мүнасибәтләрин нормаллашмадығы тәгдирдә, бу данышыгларын позитив нәтиҹә вермәјәҹәјини бәјан едиб. О әлавә едиб ки, һазырда ики өлкә арасындакы мүнасибәтләрин ҝәрҝинлији мүһарибә еһтималыны артырыб.
