Әһл Бејт-АБНА-хәбәр аҝентлијинин хәбәринә әсасән БМТ-нин Гачгынлар үзрә Али Комиссарлығы Азәрбајҹан һөкумәтинин хошмәрамлы һәрәкләринин әксинә олараг, Ермәнистандан олан азәрбајҹанлы гачгынлары гачгынлыг сијаһысындан чыхарыб. Бу барәдә Азәрбајҹан Гачгынлар вә Мәҹбури Көчкүнләрин Ишләри үзрә Дөвләт Комитәсинин сәдри Әли Һәсәнов билдириб.
Онун сөзләринә ҝөрә, Азәрбајҹан БМТ-нин Гачгынлар үзрә конвенсијасына ујғун олараг Ермәнистандан олан 250 мин азәрбајҹанлы гачгына вәтәндашлыг вериб. “БМТ Гачгынлар үзрә Али Комиссарлығы Азәрбајҹанын һунманист һәрәкәти мүгабилиндә Ермәнистандан олан гачгынлары гачгынлыг сијаһысындан чыхарыб. Ермәнистан БМТ-нин конвенсијасына биҝанә галыб вә бунун мүгабилиндә ермәниләр сијаһыдан чыхарылмајыб. Бу, икили стандартдыр”, - дејә о гејд едиб. Ә.Һәсәновун дедијинә ҝөрә, һазырда Ермәнистанда 30 мин гачгын белә галмајыб. “Бу арашдырылмалыдыр. БМТ-нин Гачгынлар үзрә Али Комиссарлығынын сијаһысында 300 мин ермәни гачгынына јардым едилир”, - дејә о гејд едиб.
