Әһл Бејт-АБНА-хәбәр аҝентлијинин хәбәринә әсасән Дүнән Нахчыванын Шәрур рајонунда тәһсил шөбәсинин вә јени тиҹарәт мәркәзинин ачылышы олуб. Нахчыван МР-ин Али Мәҹлисинин сәдри Васиф Талыбовун иштирак етдији тәдбир ҹидди полис нәзарәти алтында кечиб. Нахчывандакы мөтәбәр мәнбәмиздән алдығымыз мәлумата ҝөрә, Васиф Талыбову һәм дә наразы ҹамаатдан горумаға мәсул олан рајон полис идарәсинин рәиси Мәммәд Һүсејновун Али Мәҹлис сәдри илә ҝөрүшмәк истәјән 55 јашлы Шамил Казымовла сөзләри чәпләшиб. Вәтәндашы тәһгир едән рәис она һамынын ҝөзү гаршысында силлә вуруб.
Гаршысындакынын ҹаваб сөзләринә дөзмәјән рәис онун һәбс едилмәсинә ҝөстәриш вериб. Полисә апарылан вәтәндашы орада елә мөһкәм дөјүбләр ки, о, хәстәханалыг олуб. Мәнбә мүхбиримизә дејиб ки, Ш.Казымовун габырғалары гырылыб, башы партлајыб вә бејни зәдәләниб. Һазырда Ш.Казымов Нахчыван Мәркәзи Хәстәханасына јерләшдирилиб, вәзијјәти сон дәрәҹә ағырдыр. Онун јанына исә аилә үзвләриндән һеч ким бурахылмыр.
Ш.Казымовун рус милләтиндән олан ханымы исә јерли һөкумәт нүмајәндәләринә хәбәрдарлыг едиб ки, әҝәр вәзијјәт бу ҹүр давам етсә вә ҝүнаһкарлар ҹәзаландырылмаса о, Русија сәфирлијинә көмәк үчүн мүраҹиәт едәҹәк.
Гејд едәк ки,Васиф Талыбовун ҝөрдүкләри ишләр Алман фашистләринин, С.С-ин ҹинајәтләрини ҝеридә гојмушдур.6-ај өнҹә мәһәррәмлик ајынын Ашура ҝүнүндә Нахчывандакы “Бәнәнјар”һадисәси буна ачыг мисалдыр.Ады чәкилән һадисәдә Полисләр В.Талыбовүн ҝөстәриши илә Бәнән јар ҹамаатынын гоҹа гадын вә кишиләрини арвад вә ушагларыны ағаҹлара бағламыш,Ағсаггаллары дөјмүш вә бир ҹаваныда өзүнү јандырмаға сөвгләндирәрәк она ағыр ҹисми вә руһи зәрбәләр ендирмишләр!...
