Әһл Бејт-АБНА-диҝәр хәбәр аҝентлијләринә әсасән хәбәр верир ки, Иран президенти хәбәрдарлыг етди :
Ирана гаршы јени гадағалар тәтбиг олунса, рәсми Теһран Гәрблә нүвә проблеми үзрә данышыглары дајандыраҹаг. Буну Түркијәдә сәфәрдә олан Иран президенти Маһмуд Әһмәдинежад мәтбуат конфрансында бәјан едиб.
“Бирләшмиш Штатлар вә онун мүттәфигләри гадағалара әл ата биләҹәкләрини, даһа сонра исә бизимлә бир маса архасында әјләшәрәк данышыглар апара биләҹәкләрини дүшүнүрләрсә, ҹидди сәһвә јол верирләр”, - дејә о билдириб.
Теһран бәјәннамәси барәдә дә данышан Маһмуд Әһмәдинежад билдириб ки, Гәрб бу фүрсәтдән мөһкәм јарарланмалыдыр, чүнки бу, бир дә тәкрарланмаја биләр.
“Теһран бәјаннамәси АБШ һөкумәти вә онун мүттәфигләри үчүн бир фүрсәт иди. Биз үмид едирдик вә һәлә дә үмид едирик ки, онлар бу фүрсәтдән јахшы истифадә едәҹәкләр. Гејд етмәлијәм ки, бу ҹүр имканлар бир даһа тәкрарланмајаҹаг”, - дејә Иран президенти әлавә едиб.
