Әһл Бејт-АБНА-хәбәр аҝентлији “АзәрТАҹ”а истинадән мәлуматына ҝөрә, ҝөрүшдә өлкәләримиз арасында бүтүн саһәләрдә мүнасибәтләрин инкишафындан мәмнунлуг ифадә олунуб.
Ики өлкә арасында тәбии газла бағлы имзаланаҹаг сәнәдләрин Азәрбајҹан илә Түркијәнин енерҝетика саһәсиндә әмәкдашлығында јени мәрһәлә олдуғу билдирилиб вә бу сәнәдләрин әһәмијјәти вурғуланыб. Азәрбајҹанла Түркијә арасында енерҝетика саһәсиндә вә бүтүн диҝәр саһәләрдә әмәкдашлыг әлагәләринин бундан сонра да уғурла инкишаф едәҹәјинә әминлик ифадә олунуб.
Ҝөрүшдә Ермәнистан-Азәрбајҹан мүнагишәсинин тәнзимләнмәси илә бағлы фикир мүбадиләси апарылыб. Президент Илһам Әлијев Аралыг дәнизиндә баш верән сон һадисәләрлә бағлы Түркијәјә там дәстәјини ифадә едиб, бу һадисә заманы Түркијәнин ҝүнаһсыз мүлки вәтәндашларынын өлдүрүлмәси илә әлагәдар башсағлығыны чатдырыб. Дөвләт башчысы Азәрбајҹанын бу мәсәләдә Түркијәнин јанында олдуғуну билдириб.
