"Исраил әсҝәри јаралы түркүн башындан ҝүлләләди". Бу сөзләри "Азадлыг карваны" адлы ҝәмидә олан вә Исраил тәрәфиндән әсир тутулан кувејтлиләрдән бири дејиб. Ислам-Азери.аз интернет гәзетинин Түркијә мәтбуатына истинадән вердији хәбәрә ҝөрә, Гәззаја јардым апаран ҝәмиләрдә олан 18 кувејтли хүсуси тәјјарә илә өлкәләринә гајыдыблар. Мәтбуатын суалларыны ҹавабландыран бу кувејтлиләрдән бири, Әли Буһамд ҝөрдүкләрини белә анладыб: "Исраил әсҝәрләринин һүҹуму заманы Исраилли әсҝәрин јерә јыхылан јаралы түркүн башына атәш ачдығынын шаһиди олдум". Кувејтли вәкил Әл Мутава исә Исраил әсҝәрләринин хәбәрдарлыг етмәдән атәш ачдыгларыны вә ҝәмидәкиләрин һеч бириндә силаһ олмадығыны билдириб.Диҝәр кувејтли Вәлид Тәбәтәбаи исә шаһиди олдуғу ҹинајәти белә тәсвир едиб: "Исраил әсҝәрләри, бәзи кәсләри өлдүрдүкдән сонра ҝәмијә чыхды. Инсанлар ондан сонра јалын әллә өзләрини мүдафиә етмәк үчүн мүгавимәт ҝөстәрди. Бу әсил дәниз гулдурлуғудур".
