Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Ислами Шура Мәҹлисинин сәдри, 12 ҝүнлүк мүһарибә вә сон террор мүһарибәсиндә Ислам Ингилабы Кешикчиләри Корпусунун (СЕПАҺ) зәһмәтләрини јүксәк гијмәтләндирәрәк билдириб: Сионист режими Иранда ејни вахтда вә мүтәшәккил шәкилдә мүхтәлиф шәһәрләрдә террор актлары һәјата кечирди, лакин илаһи јардымла 48 саатдан аз бир мүддәтдә, 12 ҝүнлүк мүһарибәдән даһа рүсвајчы бир мәғлубијјәтә уғрады.
Мәҹлис сәдри, бу террорчулар ачыг-ајдын шәкилдә сионист режими, Америка вә онларын нөкәрләринин муздурлары олдуғуну гејд едәрәк әлавә едиб: Һәр бир Бәсиҹ (көнүллү), СЕПАҺ вә полис әмәкдашынын әлиндән өпмәк лазымдыр; онлар ки, башлары кәсилди, дири-дири одда јандырылдылар вә ја ағыр јараландылар, лакин шүҹаәтлә вә мәзлумҹасына мејданда галдылар.
Галибаф вурғулајыб: Иранын мүдафиәчиләри мәзлум идиләр, лакин өз дини вә милли гејрәтләриндән зәррә гәдәр дә әсирҝәмәдиләр. Буна ҝөрә дә онларын дөзүмүнә вә мүгавимәтинә салам ҝөндәририк; онлар Гурани-Кәрим, Әһли-Бејт (ә) вә Имам (р.ә) илә бағладыглары әһд-пејманда зәррә гәдәр дә тәрәддүд етмәдиләр.
Sizin rəyiniz