Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Иран Ислам Шурасы Мәҹлисинин сәдри Мәһәммәдбагир Галибаф Оман Шура Мәҹлисинин сәдри Шејх Халид бин Һилал әл-Маулијә илә ҝөрүшүндә бәјан едиб ки, бүтүн өлкәләр, хүсусилә дә Ислам дүнјасынын рәһбәрләри вә зијалылары АБШ-нин һијләҝәр вә гејри-сәмими давранышларындан дәрс чыхармалыдырлар.
Парламентин мәлуматына әсасән, ҹәнаб Галибаф, Оман кралы вә халгынын Ирана гаршы јөнәлмиш АБШ вә сионист режимин ҹинајәтләрини гәтијјәтлә писләдикләринә ҝөрә тәшәккүрүнү билдириб.
О, дејиб: “Һамы АБШ-нин әсл үзүнү ҝөрдү. Беш дәфә данышыглар баш тутду, алтынҹы раунд башламамыш, Ирана гаршы ачыг тәҹавүз баш верди. Бу, ону ҝөстәрди ки, АБШ нә гәдәр етибарсыз вә ријакардыр. Ислам дүнјасынын зијалылары вә рәһбәрләри бу реаллығы дәрк етмәли вә АБШ кими бир фитнә мәнбәјинин гаршысында неҹә давранмалы олдугларыны анламалыдырлар.”
Ислами Шуранын Сәдри әлавә едиб: “Сионист режим вә АБШ ҝүҹдән башга бир дили анламыр. Лакин бизим дини инанҹымыз вә ислами гејрәтимиз бизә имкан вермир ки, зорбалыг гаршысында ҝери чәкиләк.”
Галибаф вурғулајыб ки, сионист режим Ислам Республикасынын алимләрини вә һәрби командирләрини террорла һәдәфә алыб, бу исә дөвләт терроризминин ачыг нүмунәсидир.
О даһа сонра билдириб: “Иранын ракет зәрбәләри һәм һәрби ҝүҹүмүзү вә дәгиглијимизи, һәм дә сионист режиминин нә гәдәр зәиф олдуғуну нүмајиш етдирди. Беер-Шевада баш верәнләр буна әјани сүбутдур. Елә бу сәбәбдән дә америкалылар дәрһал атәшкәсин вә һүҹумларын дајандырылмасы фикринә дүшдүләр.”
Галибаф јекун олараг гејд едиб: “Мөвҹуд мәлуматлара әсасән, мүсәлманлар вә әдаләтсевәрләр – һансы динә вә мәзһәбә мәнсуб олмаларындан асылы олмајараг – Иранын ҹаваб әмәлијјатыны рәғбәтлә гаршыладылар. Бу, Ислам өлкәләри үчүн бөјүк бир дәрсдир: биз өз иззәтимизи, динимизи вә торпағымызы һәр ҹүр тәҹавүзә гаршы горумаға борҹлујуг.”
Sizin rəyiniz