Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Иранын хариҹи ишләр назири Сејид Аббас Әрагчи чәршәнбә ҝүнү Дүшәнбәјә рәсми сәфәри чәрчивәсиндә Таҹикистан президенти Имамәли Рәһманла ҝөрүшүб вә данышыглар апарыб.
Халг сарајында кечирилән бу ҝөрүшдә, Ирагчи Ислам Ингилабынын Али Мәгамлы Рәһбәринин вә Иран президенти Мәсуд Пезешкианын Таҹикистан президентинә вә халгына сәмими саламларыны чатдырыб вә Иран Ислам Республикасынын һәр ики өлкәни марагландыран бүтүн саһәләрдә әлагәләри ҝенишләндирмәк әзминдә олдуғуну вурғулајыб.
Сејид Аббас Әрагчи Иран вә таҹик халглары арасында дәрин достлуг вә анлашма бағларыны, хүсусән дә ортаг дил, сој, сивилизасија, тарих вә мәдәнијјәти вурғулајараг, гејд едиб ки, Иран Ислам Республикасы игтисади, тиҹарәт, дипломатик вә мәдәни-тәһсил вә диҝәр саһәләрдә әлагәләри даһа да ҝүҹләндирмәк үчүн бу уникал вә дәјәрли ортаглыглардан максимум истифадә етмәкдә гәрарлыдыр.
Таҹикистан президенти Имамәли Рәһман да өз нөвбәсиндә Иран Ислам Республикасынын хариҹи ишләр назиринә хош ҝәлмисиз дејәрәк, сәмими саламларынын Али Мәгамлы Рәһбәрә вә Иран президентинә чатдырылмасыны хаһиш едиб.
О, Иран вә Таҹикистан арасындакы мүнасибәтләри дәрин тарихи достлуға сөјкәнән хүсуси әлагәләр кими гијмәтләндириб вә икитәрәфли мүнасибәтләрин даһа да инкишаф етдирилмәсинин ваҹиблијини вурғулајыб.
Имамәли Рәһман вә Ирагчи, һәмчинин реҝионал һадисәләр, о ҹүмләдән Мәркәзи Асија, Гафгаз, Әфганыстан вә Гәрби Асијадакы вәзијјәтлә бағлы фикир мүбадиләси апарыблар.
Sizin rəyiniz