АБНА24 Хәбәр Верир, Иранын Хариҹи Әлагәләр Стратежи Шурасынын сәдри вә Нүвә Анлашмасынын Иҹрасына Нәзарәт Шурасынын үзвү Камал Хәррази нүвә анлашмасынын бејнәлхалг бир сәнәд олдуғуну билдириб вә белә вурғулајыб: Әҝәр Авропа өлкәләри Америка олмадан нүвә анлашмасыны өз әввәлки вәзијјәтинә гајтармаг истәјирләрсә, өнҹә, индијәдәк әмәл етмәдикләри өһдәликләринә әмәл етмәли вә санксијалары галдырмалыдырлар. О, бәзи америкалыларын Иранын ракет вә реҝионал фәалијјәтләри дә дахил олмагла нүвә анлашмасы данышыгларынын јенидән башланаҹағы барәдәки иддиаларыны рәдд едәрәк, дејиб: Бу сөзләр бир нөв баҹалмадыр, зира нүвә анлашмасы конкрет вә гәти бир сәнәддир; онун чәрчивәси мәлумдур вә Иранын реҝионал вә ракет проблемләрилә һеч бир әлагәси јохдур. Иранын Хариҹи Әлагәләр Стратежи Шурасынын сәдри сөјләјиб: Иран Ислам Республикасы сон гырх илдән чох мүддәт әрзиндә өлкәнин милли мәнафеји вә мүстәгиллији һаггында данышыглар апармадығыны нүмајиш етдириб вә бүтүн тәзјигләр гаршысында дајаныбдыр. АБШ-ын вә Авропа өлкәләринин бир сәнәди имзаладыглары, лакин өһдәликләрини поздугларыны хатырладан Хәррази билдириб: Америка бу бејнәлхалг анлашмадан чыхмагла јанашы, 1500-дән чох Иран ширкәти вә ја фәрдинә санксија тәтбиг едибдир ки, бу да Ирана бөјүк хәсарәтләр вурубдур.
342/
