АБНА24 Хәбәр Верир, Ирагын Хариҹи Ишләр Назирлији бир бәјанатда, АБШ-ын Малијјә Назирлијинин Ирагын Һәшдүш-Шәби Тәшкилатынын сәдри Фалиһ Әл-Фәјјаза гаршы вердији гәрардан тәәҹҹүбләндијини билдирәрәк, вурғулајыб: Бу гәрар "ҝөзләнилмәз вә гәбуледилмәз" бир һәрәкәт иди. Назирлик әлавә едиб: "АБШ-ын Малијјә Назирлијинин ираглы шәхсијјәтләрә гаршы чыхардығы бүтүн гәрарлар АБШ-ын һазыркы вә ҝәләҹәк һөкумәти илә тәмасларда диггәт мәркәзиндә сахланылыр вә онун нәтиҹәләри нәзәрдән кечирилир". АБШ Малијјә Назирлијинин Хариҹи Активләрә Нәзарәт Офиси ҹүмә ҝүнү Фалиһ Әл-Фәјазын адыны санксијалар сијаһысына дахил етдијини билдириб. Ирагын Һәшдүш-Шәби Тәшкилатынын сәдри Фалиһ Әл-Фәјјаз индијәдәк дәфәләрлә Ираг парламентинин гәрарына ујғун олараг, АБШ гүввәләри башда олмагла хариҹи гүввәләрин Ирагдан чыхарылмасына чағырыб.
342/
