АБНА24 Хәбәр Верир, Һәзрәт Ајәтуллаһул-үзма Хаменеи бу ҝүн сәһәр саатларында Ајәтуллаһ мисбаһ Јәздинин ҹәназәсинин кәнарында һазыр олараг, мејјит намазы гылдыгдан вә фатиһә охудугдан сонра о, гәдим гардашы вә мүдрик мүҹаһидлә видалашыблар. Һәмчинин, Ислам Ингилабынын бөјүк Рәһбәри Һәзрәт Ајәтуллаул-үзма Хаменеи Ајәтуллаһ Мәһәммәд Тәги Мисбаһ Јәздинин вәфаты мүнасибәтилә бир мүраҹиәт үнванлајараг, онун һөрмәтли аиләси, ушаглары вә бу бөјүк мүәллимин тәләбәләри вә мүридләринә башсағлығы верәрәк, бујурублар: "О, ҝөркәмли бир мүтәфәккир, лајигли бир идарәчи, һәгигәти ифадә етмәкдә бәлағәтли дилә вә дүз јолда дајаныглы бир аддыма саһиб инсан иди". Гејд едәк ки, Рәһбәрлик Хубрәганы Мәҹлисинин үзвү вә имам Хомејни (р.ә) адына Тәһсил вә Тәдгигат Институтунун рәһбәри Ајәтуллаһ Мәһәммәд Тәги Мисбаһ Јәзди бир мүддәт хәстәликдән сонра ҹүмә ахшамы вәфат едиб. Ајәтуллаһ Мәһәммәд Тәги Мисбаһ Јәздинин ҹәназәсинин мүшајиәт олунмасы вә дәфн мәрасими бу ҝүн сәһијјә протоколларына риајәт едиләрәк, Һәзрәт Әбдүләзим Һәсәнинин (ә) һәрәминдә кечирилиб. Рәһбәрлик Хубрәганы Мәҹлисинин мәрһум үзвүнүн ҹәназәси мүтәһһәр Рәзәви һәрәминдә тәваф етдирилдикдән сонра дәфн үчүн базар ертәси ҝүнү Гума көчүрүләҹәк.
342/
