АБНА24 Хәбәр Верир, Јапонија һөкумәти бу ҝүндән өлкәјә ҝириш гадағасыны тәтбиг едир вә бүтүн дүнја өлкәләринин вәтәндашларына визаларынын верилмәсини дајандырыр. Бу гадаға ән аз ҝәлән илин јанвар ајынын сонунадәк гүввәдә олаҹаг. Беләликлә, өлкәјә јалныз бурада даими јашајан вә узунмүддәтли визалары олан вәтәндаш вә әҹнәбиләр дахил ола биләҹәкләр. Инҝилтәрә штаммынын ашкар едилдији өлкәләрдән гајыдан мүсафирләр сәрһәддән кечәркән ҝәлишиндән әввәл 72 саат әрзиндә әлдә олунан коронавирус тестинин мәнфи ҹавабыны тәгдим етмәли, һава лиманында исә даһа бир тестдән кечмәли олаҹаглар. Һөкумәтләрарасы мүгавиләләрә ујғун олараг Чин, Ҹәнуби Кореја, Тајланд, Вјетнам, Сингапур, Малајзија вә с. дахил олмагла Асијанын 11 өлкәсиндән вә бөлҝәләриндән иш адамлары вә ишҝүзар һејәтләр Јапонијаја ҝирә биләҹәкләр. Ејни заманда, миграсија нәзарәти хидмәти 28 декабрдан әввәл верилмиш визаларын етибарлығыны ләғв етмәјиб. Истисна Инҝилтәрәдә вә Ҹәнуби Африкада әлдә едилән сәнәдләрә вә Јапонијаја ҝәлдикдән әввәл 14 ҝүн әрзиндә бу ики өлкәјә сәјаһәт етмиш инсанлара аиддир. Бу категоријалар үчүн өлкәјә ҝириш бағлыдыр.
342/
