АБНА24 Хәбәр Верир, фәләстинли мүбариз групларын башчыларындан бир групу Дәмәшгдә суријалы елитанын иштиракы илә кечирилән јығынҹагда гәлбләрин сәркәрдәсинин вә онунла силаһдаш олмуш шәһидләрин, хүсусән Әбу Мәһди Әлмуһәндисин дәрәҹәләрини јүксәк дәјәрләндириб. Јығынҹагда вурғуланыб: "Мүгавимәтин бејнәлхалг команданынын шәһадәтилә онун һәрәкәти әсла дајанмајаҹаг. Гәлбләрин сәркәрдәсинин шаҝирдләри онун јолуну бүтүн дүнјада һагг вә әдаләт бајрағынын далғаланмасынадәк давам етдирәҹәкләр. Мәрасимдә чыхыш едәнләр гәлбләрин сәркәрдәсинин Ираг вә Суријада гондарма ИШИД хилафәтинин јығышдырылмасындакы ролуну јүксәк дәјәрләндирибләр. Дәмәшг университетинин мүәллими вә сијаси активист доктор Сәлим Хәррат дејир: "Сурија халгы билир ки, әҝәр Һаҹ Гасем Солејмани кими ҹәсур инсанлар јанында олмасајды вә онун дадына чатмасајдылар, инди онларын талеји башга ҹүр оларды. Буна ҝөрә, биз залым гүввәләрин бүтүн амилләринин јығышдырылмасы вә Гүдси-Шәрифин азад едилмәсинәдәк шәһидләрин ганларына садиг галараг, онларын јолларыны давам етдирәҹәјик. Мәрасимин хүсуси гонағы олан Иранын Суријадакы сәфири Ҹәвад Торкабади өз чыхышында Иран Ислам Республикасынын шәһид Гасем Солејманинин террору амилләри олан америкалы террорчуларын мүһакимә едилмәләри үзрә исрарына тәкид едиб. Ҹәвад Торкабади әлавә едиб: "Һаҹ Гасем Солејмани вә Әбу Мәһди Әлмуһәндис, һәмчинин сон заманлар шәһид едилмиш шәһид Фәхризадә Гүдси-Шәрифин азад едилмәсинин јол ҝөстәрән чырагларыдырлар. Бу јол шәһидләрин пак нурлары илә бәзәнәркән билин ки, Гүдси-Шәрифин азад едилмәси олан һәдәфә даһа да јахынлашмышыг".
342/
