АБНА24 Хәбәр Верир, Иран Ислам Республикасы президенти президенти Һәсән Руһани бу ҝүн истеһсалда сычрајыш үчүн милли динамиканын 38-ҹи һәфтәсиндә үч Илам, Гәрби Азәрбајҹан вә Һәмәдан вилајәтләриндә милли нефт-кимја лајиһәләринин видеоконфранс форматында кечирилән ачылыш мәрасиминдә дејиб: "Бүтүн Иран санксијалар дөнәминдә һамынын иштирак етдији вә фәалијјәт ҝөстәрдији нәһәнҝ бир игтисади емалатханаја чеврилди". Руһани, Иранын милли ҝүҹүнүн бу ҝүн әрсәјә ҝәлдијини вә һәр кәсин бөјүк уғурлар үчүн әл-әлә вердијини бәјан едәрәк, вурғулајыб: "Нәһәнҝ нефт-кимја сәнајесинин милли лајиһәләринин ачылышы, бөјүк Иран халгынын бүтүн саһәләр үзрә уғурлу олдуғуну ҝөстәрир". Иран Ислам Республикасы президенти, һәмчинин игтисади мүһарибә командирләрини тәбрик едәрәк, дејиб: "Иранда конструксијасы олан нефт-кимја лајиһәләри, Иран сәнајесини дајандырмаг үчүн һәдсиз сәј ҝөстәрән дүнја империализминә бөјүк бир зәрбәдир." Руһани игтисади мүһарибәнин өмрүнүн сона чатдығыны вә бу мүһарибәнин шәр командиринин өзүнүн сијаси өмрүнүн сонунда олдуғуну бәјан едәрәк, дејиб: "Бөјүк Иран милләти тарих боју ајагда вә башыуҹа олдуғу кими әбәди олараг, ајагда вә башыуҹа олаҹагдыр". Иран Ислам Республикасы президенти даһа сонра дејиб: "Игтисади мүһарибәдә дүшмән бир чох мәгсәди изләјирди, Лакин бу игтисади мүһарибәдә дүшмән тәрәфиндән һәр ҝүн бомбаланан, ики әсас һиссә нефт вә банк сектору иди ки, хошбәхтликдән халгын мүгавимәти вә иранлы мүтәхәссисләрин сәјләри нәтиҹәсиндә бу мәрһәлә архада галды".
342/
