АБНА24 Хәбәр Верир, Ираг хариҹи ишләр назирлији Доналд Трамп һөкумәтинин 2007-ҹи илдә Ираг вәтәндашларыны күтләви шәкилдә гырғын етмәк үстүндә мәһкум едилән Американын "Бләкватер" ширкәтини әфв етмәсинә мәнфи реаксија вериб. Ирагын Хариҹи Ишләр Назирлији чәршәнбә ҝүнү Америка һөкумәтинин бу һәрәкәтинә ҹаваб олараг бир бәјанат јајыб вә билдириб ки, бу гәрарда гејд олунан ҹинајәтин тәһлүкәләри вә нәтиҹәләринә мәһәл гојулмајыб вә тәәссүфләндириҹи формада онун гурбанларынын ләјагәти тапданыбдыр. Ирагын Хариҹи Ишләр Назирлији вурғулајыбдыр ки, дипломатик каналларла Вашингтону өз гәрарына јенидән бахмаға мәҹбур едәҹәкдир. АБШ президенти чәршәнбә ҝүнү сәһәрчағы 2007-ҹи илдә ираглы мүлкиләри гырғын етдикләринә ҝөрә мәһкум едилмиш дөрд америкалы һәрбчи, һәмчинин республикачылар партијасына јахын олан бир нечә нәфәр дә дахил олмагла он беш нәфәрин бағышланмасы барәдә ҝөстәриш верибдир.
342/
