АБНА24 Хәбәр Верир, Иранын нефт назири Бижән Зәнҝәнә Русијанын баш назиринин мүавини Александр Новак илә Москвада баш тутан ҝөрүшү заманы Теһранла Москва арасында мүхтәлиф саһәләр үзрә инкишафда олан әмәкдашлыглара тохунараг, дејиб: "Һазыркы вәзијјәтдә, о ҹүмләдән АБШ-ын Иран вә Русијаја гаршы биртәрәфли вә залымҹасына санксијалары дөнәминдә ики өлкә арасында јахынлашма вә әмәкдашлыгларын ҝүҹләндирилмәси чох ваҹиб вә тәсирлидир. Зәнҝәнә сон илләрдә Иран вә Русија арасында нефт вә енержи саһәсиндә сых әмәкдашлығын олдуғуну бәјан едәрәк, рәсми Теһранын санксијалары нејтраллашдырмаг үчүн бу әмәкдашлыглары даһа да дәринләшдирмәк истәдијини вурғулајыб. Иранын нефт назири бејнәлхалг аренада бир чох дәјишиклијин баш вердијинә тохунараг, гејд едиб ки, истәнилән вәзијјәтдә Иран-Русија мүнасибәтләри дәјишмәјәҹәк вә рәсми Теһран бу мүнасибәтләри ҝүҹләндирмәкдә гәрарлыдыр. Русијанын баш назиринин мүавини дә бу ҝөрүшдә, Теһран илә Москва арасында артан мүнасибәтләрдән мәмнунлуг ифадә едиб вә дејиб Русија гәтијән Иранла бүтүн саһәләр, хүсусилә дә нефт вә енержи саһәси үзрә јахынлашманын тәрәфдарыдыр". "Иран вә Русија арасында нефт вә енержи саһәсиндә һәмишә сых вә инкишафда олан әмәкдашлыглар мөвҹуд олуб вә бу әмәкдашлыглар јенә дә давам едәҹәк", - дејә Александр Новак әлавә едиб. Зәнҝәнә, һәмчинин Русијанын енержи назири Николај Шулгиновла ҝөрүшмәклә јанашы, бу өлкәнин нефт ширкәтләринин рәһбәрләри илә дә ҝөрүшүб. Гејд едәк ки, Иран Ислам Республикасынын нефт назири јүксәк рүтбәли Русија рәсмиләри илә ҝөрүшмәк вә ики өлкә арасында енержи вә глобал базар перспективләри саһәсиндә әмәкдашлығын сон вәзијјәтини мүзакирә етмәк үчүн бир нүмајәндә һејәтинин башында Москваја сәфәр едиб.
342/
