АБНА24 Хәбәр Верир, Сәудијјә Әрәбистанын рәсмиләри бу өлкәнин шәргиндә дин хадимләринә гаршы јени һәрәкәтләр чәрчивәсиндә бу өлкә шиәләринин ҝөркәмли руһанисинин оғлу Шејх Һүсејн Әл-Нимри һәбс едиб. Әл-Аләм телеканалынын мәлуматына ҝөрә, бир нечә инсан һаглары тәшкилаты Әрәбистанын шәргиндә јерләшән шиә сакинли Әл-Шәргијјә бөлҝәсиндә руһаниләрин һәбсинин давам етмәсини ачыг шәкилдә ганун позунтусу вә гәбилә ајры-сечкилији кими характеризә едибләр вә бу һәрәкәтләрин Сәудијјә рәсмиләринин инсан һаглары вә азадлыглара риајәт едилмәси вә ислаһатын апарылмасы илә бағлы иддиаларына зидд олдуғуну вурғулајыблар. Авропа-Сәудијјә Инсан Һаглары Тәшкилаты да Әрәбистанын шәргиндә јерләшән Әл-Гәтиф вә Әл-Әһса бөлҝәләриндә дин хадимләринә гаршы мүтәшәккил тәҹавүзү вә һәбсләри гынајыб вә Сәудијјә режиминин узун мүддәтдир сахта бәһанәләрлә бу ҹүр һәрәкәтләр етдијини сөјләјиб. Һәмчинин, диҝәр ики демократија тәрәфдары вә инсан һаглары тәшкилаты вә Әл-Хәлиҹ Инсан Һүгуглары Мәркәзи дә, әл-Гәтиф вә әл-Әһсаја гаршы едилән вәһшиҹәсинә һүҹумлары вә конкрет вә шәффаф иттиһамлар олмадан руһаниләрә гаршы әсассыз вә ганунсуз һәрәкәтләри гынајыблар. Бу инсан һаглары тәшкилатлары вурғулајыблар ки, шиә сакинли бөлҝәләрдә руһаниләрин һәбс едилмәси, залымҹасына вә һәдсиз һәбс сијасәтинин кәскинләшдијинин вә инанҹлара хатир ајры-сечкилик сијасәтинин ҝенишләнмәсинин јахшы бир ҝөстәриҹисидир.
342/
