АБНА24 Хәбәр Верир, Азәрбајҹан Республикасынын президенти Илһам Әлијев МДБ Дөвләт Башчылары Шурасынын иҹласында чыхышы заманы сөјләјиб: "Орада һазырда нәләр баш вермәсинә ҝәлдикдә исә, Ағдам шәһәри јохдур, о, дағыдылыб. Ағдам шәһәриндә гисмән дағыдылмыш бир мәсҹид галыб. Биз мараглананда ки, бүтүн башга мәсҹидләр кими ону нә үчүн дағытмајыблар, бизә дедиләр ки, бу, бир нөв оријентир иди, әразидә сәмти мүәјјәнләшдирмәк үчүн иди ки, әҝәр Азәрбајҹан Ордусу бу истигамәтдә һүҹума кечәрсә, артиллеријаја һүҹумун дәгиг оријентирләрини верә билсинләр. Кечмиш Ағдам шәһәриндә, ондан галан әразидә сәфәрдә олмуш хариҹи журналистләр ону Гафгазын “Хиросима”сы адландырырлар. Мән һесаб едирәм ки, бу, Хиросимадан да писдир. Она ҝөрә ки, Хиросима нүвә фаҹиәси, атом зәрбәси иди. Лакин орадан вандаллар вә барбарлар дәстәси кечмәмишди. Бизә ҝәлдикдә исә Ағдам шәһәри ишғал едиләндән сонра дағыдылыб. Фүзули шәһәри кими, о да биләрәкдән, мәгсәдјөнлү шәкилдә дағыдылыб".
342/
