Ниҝерија Ислам Һәрәкатынын лидери Шејх Ибраһим Зәкзәкинин вәкили Сәудијјә режиминин шејхи өлдүртмәк үчүн Ниҝерија сәлаһијјәтлиләринә милјонларла доллар вердијини сөјләјиб. "АБШ, сионист режими вә Сәудијјә режими, Ниҝерија президенти Мәһәммәд Бухаријә Шејх Зәкзәкијә гаршы суи-гәсд етмәји тапшырыб", - дејә Исһак Адам билдириб.
АБНА24 Хәбәр Верир, вәкил Шејх Зәкзәкинин вәзијјәти критик олдуғуну вә 2015-ҹи илдән етибарән ев һәбсиндә олдуғу үчүн һеч кимин онун һаггында јени мәлуматлар әлдә едә билмәмәсини сөјләјиб. Хатырладаг ки, Шејх Ибраһим Зәкзәки вә һәјат јолдашы 2015-ҹи илдә декабрын 13-ү Зарија шәһәриндә Һүсејнијәјә Ниҝерија режими тәрәфинфән һәрби басгын заманы һәбс едилиб. Шејх Зәкзәкинин тутулдуғу ҝүн Ниҝерија һәрбчиләри Һүсејнијә вә Шејхин еви гаршысында нүмајишчиләрә атәш ачараг Шејх Зәкзәкинин үч өвлады да дахил олмагла, јүзләрлә инсаны гәтлә јетириб. Ниҝерија һөкумәти индијә гәдәр Шејх Зәкзәкинин вә һәјат јолдашынын мүхтәлиф бәһанәләрлә азадлыға бурахылмасына мане олур вә һәтта онлара тибби јардым ҝөстәрмәкдән имтина едир. Сон ајларда Шејх Зәкзәкинин физики вәзијјәти писләшдијинә ҝөрә, һүгуг мүдафиә груплары дәфәләрлә Ниҝерија Ислам Һәрәкатынын лидеринин сәрбәст бурахылмасына чағырышлар едир.
342/
