АБНА24 Хәбәр Верир, Сурија парламентинин сәдри бејнәлхалг тәшкилатлара мәктублар ҝөндәриб вә Түркијәнин Суријанын шимал-шәргиндә јерләшән Һәсәкәһ вилајәтинин әһалисиндән бир милјон нәфәрдән чох инсанын сујуну кәсмәсини писләјиб. Һәмуд Сәббағ дүнән БМТ баш катиби Антонио Гутеррешә, Авропа Иттифагы, һәмчинин әрәб вә реҝионал парламентләр ассамблејасынын вә бејнәлхалг бирликләрин сәдрләринә отуз једди мәктуб ҝөндәриб вә онлардан истәјибдир ки, Түркијәнин Суријанын халгы вә һөкумәтинә гаршы дүшмәнчилик һәрәкәтләрини, о сырадан Һәсәкәһ вилајәтинин сакинләринин сујуну бир даһа кәсмәсини писләјәрәк, Сурија халгына гаршы инсанлыға сығмајан һәрәкәтләрини дајандырмасы үчүн Анкараја гаршы бүтүн тәзјиг васитәләриндән истифадә етсинләр. Сурија парламентинин сәдри бу мәктубларда билдирибдир ки, Түркијә системинин Һәсәкәһ әһалисинин инсани еһтијаҹларына азаҹыг да олса белә, мәһәл гојмадан сијаси вә һәрби һәдәфләринин һәјата кечирилмәси мәгсәдилә судан Суријанын мүлки шәхсләринә гаршы бир силаһ кими истифадә етмәси, һәрби ҹинајәт, һабелә бүтүн бејнәлхалг һүгуг нормалары, мүгавиләләри вә конвенсијаларына гаршы ачыг-ашкар тәҹавүз һесаб олунур. Сурија Хариҹи Ишләр Назирлији дә сон заманлар БМТ баш катибинә вә бу тәшкилатын тәһлүкәсизлик шурасынын сәдринә ҝөндәрдији ајры-ајры мәктубларда Түркијә тәрәфиндән Суријанын Һәсәкәһ вилајәтинин вә онун әтрафындакы бөлҝәләрин әһалисиндән бир милјон нәфәрдән чох инсанын сујунун кәсилмәсини бејнәлхалг ганун вә низамнамәләрин ачыгҹасына позулмасы адландырмыш вә тәһлүкәсизлик шурасынын бу мәсәләјә дәрһал ҹаваб вермәсини истәмишди. Һәмин мәктубларда Түркијәнин индијәдәк он једди дәфә белә һәрәкәтә әл атдығыны билдирән Сурија Хариҹи Ишләр Назирлији бу һәрәкәтләри Анкаранын Сурија һөкумәтиндән баҹ алмаг үзрә сәји истигамәтиндә дәјәрләндирибдир.
342/
