АБНА24 Хәбәр Верир, Ислам Ингилабынын Бөјүк Рәһбәри Һәзрәт Ајәтуллаһулузма Хаменеи бу ҝүн Ислам Ингилабы Кешикчиләри Корпусунун Гүдс гүввәләринин кечмиш команданы шәһид ҝенерал-лејтенант пасдар Гасем Солејманинин илдөнүмүнүн тәшкилат комитәсинин үзвләри вә о јүксәк дәрәҹәли шәһидин аиләсилә ҝөрүшдә шәһид Солејманини Иран халгы вә Ислам Үммәтинин гәһрәманы адландырыб вә белә вурғулајыблар: О шәһидин һәмишә хәлги олдуғуна ҝөрә, онун анылмасы үчүн дә халг имканларындан, һәмчинин мәдәни вә тәшәббүскар сәјләрдән истифадә олунмалыдыр. Ҝенерал Солејманинин шәһадәтини тарихи бир һадисә адландыран Ингилаб Рәһбәри о шәһидин иранлылар үчүн милли гәһрәмана, һәмчинин Ислам Үммәтинин гәһрәманына чеврилмәсинә ишарә едәрәк, сөјләјибләр: Шәһид Солејманинин Иран халгынын гәһрәманына чеврилмәсинин вә халгын мүхтәлиф тәбәгәләринин, һәтта тәсәввүр едилмәјән кәсләрин она јүксәк гијмәт вермәләри вә өз емосијаларыны ифадә етмәләринин сәбәби бу иди ки, шәһид Солејмани Иран вә иранлы мәдәнијјәтинин дәјәрләринин символу иди. Ислам Ингилабынын Бөјүк Рәһбәри «Шүҹаәт вә мүгавимәт», «агиллик, истедад, фәдакарлыг вә үмуми мараглары дүшүнмәк» кими хүсусијјәтләри шәһид Солејманинин өзәлликләриндән адландырыб вә белә гејд едибләр: О јүксәк дәрәҹәли шәһид һәмчинин мәнәвијјат, паклыг вә ахирәт әһли иди вә һеч вахт тәзаһүр әһли дејилди. Һәзрәт Ајәтуллаһулузма Хаменеи вурғулајыблар ки, шәһид Солејмани һәм һәјатда оларкән, һәм дә өз шәһадәти илә залым гүввәләри мәғлуб етди. О һәзрәт сонра сөјләјибләр: Шәһид Солејманинин вә шәһид Әбу Мәһди Әлмуһәндисин Иран вә Ирагдакы милјонлуг вә унудулмаз мүшајиәт мәрасимләри, һәмчинин бу ики шәһидин аным мәрасимләри залым гүввәләрин јумшаг мүһарибә ҝенералларыны һејран етди вә америкалылара вурулан илк шапалаг олду. Һәзрәт Ајәтуллаһулузма Хаменеи «Әјнуләсәд» американ базасына гаршы ракет һүҹумунда америкалылара диҝәр бир шилләнин вурулдуғуну гејд едәрәк, вурғулајыблар: Амма даһа мөһкәм шиллә, мүгавимәтин сијасәтләри вә халгларын ҹидди-ҹәһдини тәләб едән американларын бөлҝәдән чыхарылмалары, һәмчинин мөмин истедадлар вә ингилабчы ҝәнҹләрин ҹидди-ҹәһдини тәләб едән империализмин пуч һејбәти үзәриндә кибернетика гәләбәсиндән ибарәтдир.
342/
