АБНА24 Хәбәр Верир, Азәрбајҹан Республикасынын Дағлыг Гарабағ мүһарибәси шәһидләри үчүн илк аным мәрасими Теһранын Реј бөлҝәсиндә јерләшән Һәзрәт Әбдүләзим Һәсәнинин (ә) мүгәддәс зијарәтҝаһында, Иран Ислам Республикасы илә Азәрбајҹан Республикасы арасында достлуг әлагәләрини ҝүҹләндирмәк, ејни заманда илк олараг халгын истәкләри илә һәмрәјлик јаратмаг вә Вәлијји-Фәгиһин Дағлыг Гарабағла бағлы фикирләрини изаһ етмәк мәгсәди илә кечирилиб. Бу мәрасим шәһид аиләләри, өлкә рәсмиләри, јүксәк рүтбәли һәрбчиләр, парламент сәдринин көмәкчиси Һүсејн Әмир Абдуллаһијан, парламентин үзвләри, Ислам Ингилабы Кешикчиләр Корпусунун (СЕПАҺ) Гүдс Гүввәләринин командир мүавини ҝенерал Мәһәммәд Һиҹази, һәмчинин Теһранын Имам Ҹүмәси Һөҹҹәтүл-ислам Сиддиги вә Иранда јашајан азәрбајҹанлыларын иштираки илә 44 ҝүнлүк Гарабағ мүһарибәсинин 2.783 азәри шәһидинин хатирәси анылыб. Мәрасимдә Гарабағда шәһид олмуш бүтүн азәрбајҹанлы һәрбчиләрин сијаһысы, Ислам Ингилабынын Бөјүк Рәһбәри Һәзрәт Ајәтуллаһулузма Хаменеинин Ермәнистанын Азәрбајҹанын ишғал олунмуш торпагларыны тәрк етмәсинин ваҹиблији илә бағлы чыхышы иштиракчылара нүмајиш олунуб. Һөҹҹәтүл-Ислам Сиддиги Гарабағ мүһарибәсиндә шәһид оланларын хатирәсини јад едәрәк билдириб ки, онлар өз горхмазлығы вә ҹанындан кечмәләри илә Азәрбајҹана иззәт вә башуҹалығы ҝәтирдиләр: "Һәм дә Иран азәрбајҹанлыларыны севиндирдиләр. Шәһидләр һеч вахт унудулмур, Шәһидин ганы һәмишә гајнајыр вә фираванлыг јарадыр. Азәрбајҹанда ҝәнҹләр өз ҹанларыны вердиләр вә торпагларыны азад етдиләр. Бизим рәһбәримиз Азәрбајҹаны рәсми шәкилдә дәстәкләди вә билдирди ки, Гарабағ Азәрбајҹанындыр вә Азәрбајҹана гајтарылмалыдыр. Ермәнистан ишғал етдији торпаглары ҝери гајтармалыдыр. Бу ҝүн бу гәләбә јалныз Азәрбајҹанын гәләбәси дејил, һәм дә Исламын гәләбәсидир". Мәрасимин сонунда ики өлкәнин иштиракчылары шәриф Гүдсүн дә Гарабағ кими тезликлә сионист режимин ишғалиндан гуртулмасыны вә Ислам үммәтинин гуҹағына гајытмасыны арзулајыблар. Хатырладаг ки, Азәрбајҹан Республикасы илә Ермәнистан арасында 44 ҝүнлүк мүһарибәнин сонунда, Ермәнистан тәрәфиндән ишғал едилмиш Ҹәбрајыл, Фүзули, Губадлы, Лачын, Шуша, Ағдам вә Кәлбәҹәр дә дахил олмагла ишғал олунмуш Дағлыг Гарабағ әразиләринин бир һиссәси азад едилиб.
342/
