АБНА24 Хәбәр Верир, Ҝенерал-мајор Моһәммәд Багери бир нечә һәрби команданла јанашы, шәһид алим Моһсен Фәхризадәнин мәнзилиндә олараг, Иран Ислам Республикасы Силаһлы Гүввәләринин Али Баш команданы тәрәфиндән шәһид Фәхризадәјә верилмиш биринҹи дәрәҹәли Нәср орденини шәһидин аиләсинә тәгдим едиб. Иран Силаһлы Гүввәләринин баш гәрарҝаһ рәиси биринҹи дәрәҹәли Нәср орденинин ислами гурулушун мүдафиә ҹәбһәсини һимајә едән ҝөркәмли милли шәхсијјәт вә тәдгигатчылар үчүн нәзәрдә тутулдуғуну билдириб. О, дејиб: Бу әсасда Ислам Ингилабынын Бөјүк Рәһбәри/ өз дәјәрли өмрүнү Ислам Ингилабы ҹәбһәсини һимајә јолунда сәрф етмиш бу јүксәк дәрәҹәли шәһид үчүн ән јүксәк мүкафаты- биринҹи дәрәҹәли Нәср орденини нәзәрдә тутублар. Иран Мүдафиә Назирлијинин Тәдгигат вә Инновасија Тәшкилатынын рәиси Моһсен Фәхризадә нојабрын 27-дә Теһран әтрафында һәјата кечирилән бир террор һүҹумунда шәһид едилди.
342/
