АБНА24 Хәбәр Верир, Русија мүдафиә назирлији бир бәјанатда гејд едибдир ки, Гарабағ бөлҝәсиндә савашын битмәсиндән вә Русијанын бөлҝәдә сүлһә нәзарәт әмәлијјатына башламасындан бәри илк дәфә олараг, бу бөлҝәдә атәшкәс позулубдур. Бу бәјанат гејд едибдир ки, Русија сүлһмәрамлылары Гарабағ бөлҝәсиндә вәзифәләрини иҹра етмәји давам етдирирләр. Русија сүлһмәрамлыларынын Гарабағдакы 23 нәзарәт постунда атәшкәсә нәзарәт үзрә суткалыг фәалијјәт ҹәрәјан едир. Декабрын он бириндә Һадрут бөлҝәсиндә атәшкәсин позулмасы үзрә бир һал баш верибдир. Ермәнистан мүдафиә назирлији Азәрбајҹан Республикасы гүввәләринин Гарабағын ҹәнубунда, Һадрут бөлҝәсиндә јерләшән «Хинтаглар вә Хетсаборд кәндләринә тәрәф ирәлиләмәләриндән хәбәр вериб. Медиаларын билдирдикләринә ҝөрә, Һадрут бөлҝәсини әлә кечирмиш Азәрбајҹан Республикасы гүввәләри һәлә ки, һәмин бөлҝәдә јерләшән ики кәндә ҝирә билмәјибләр. Бу бөлҝәдә бир груп ермәни гүввәси јерләшир. Азәрбајҹан Республикасы илә Ермәнистан арасындакы дөјүшләр ҹари ил нојабрын онунда Бакы, Ирәван вә Москва арасында үчтәрәфли бәјанатын имзаланмасы илә баша чатды.
342/
