АБНА24 Хәбәр Верир, Иранын хариҹи ишләр назири Мәһәммәд Ҹавад Зәриф "ЈоуТубе"дан јајымланан "Һејранлыг Әсри" адлы интернет програмына гатылараг вә "Арман Медиа" мәдәнијјәт мүәссисәсинә вердији мүсаһибәдә әлавә едиб: "Бејнәлхалг нүвә анлашмасы илә Ирана гаршы глобал тәһлүкәсизлик консенсусу уғурсуз олду вә сионистләр вә америкалыларын нүвә анлашмасы илә бағлы нараһатлыгларынын әсас сәбәби бу глобал консенсусун јох олмасы иди, чүнки онлар Ираны тәһлүкәсизлик мәсәләсинә чевирмәк үчүн чох сәј ҝөстәрмишдиләр, Лакин алынмады". Иранын дипломатија апаратынын рәһбәри дејиб: "нүвә анлашмасы сәлаһијјәтләрини БМТ Тәһлүкәсизлик Шурасынданалан 6 өлкә арасында әлдә едилмиш бир һүгуги разылашма иди вә 104 сәһифәлик нүвә анлашмасы о гәдәр ҝүҹлү тәртиб едилмишди ки, Трамп 4 ил әрзиндә Ираны БМТ вә ја Тәһлүкәсизлик Шурасында мәһкум едә билмәди". "Иран бүтүн өһдәликләринә садиг галыб вә индијә гәдәр һеш кәс Иранын нүвә анлашмасындан чыхдығыны сөјләмәјиб", - дејә Зәриф әлавә едиб. АБШ-ын БМТ-јә үзв олдуғуну вә БМТ низамнамәсинин 25-ҹи маддәсинә әсасән, нүвә анлашмасына мане олмамалы олдуғуну бәјан едән Зәриф вурғулајыб: "АБШ нүвә анлашмасына гајытмаг мәҹбуријјәтиндәдир вә она үзв олмаг үчүн лазыми шәраити газанмалыдыр". "АБШ-ын јени сечилмиш президенти Ҹо Бајден дә билир ки, нүвә анлашмасына гајытмаг үчүн бәзи мәсәләләр, о ҹүмләдән Иранын ракет мәсәләләри мүзакирә едиләси дејил", - дејә Зәриф гејд едиб.
342/
