АБНА24 Хәбәр Верир, күчә аксијалары дөвләт ишчиләринин маашларынын 4 ај ҝеҹикмәсинә вә аҹынаҹаглы игтисади вә мәишәт шәраитинә, һабелә коррупсијаја гаршы етираз олараг, бу вилајәтин бәзи бөлҝәләриндә, о ҹүмләдән Чәмчәмал, Сејид Садиг вә Шарзор бөлҝәләриндә 7 ҝүндүр ки давам едир. Дүнән ҝеҹә Ҹәмчәмал вә Әрбәт бөлҝәләриндәки күчә аксијаларында баш верән зоракылыглар нәтиҹәсиндә ики нәфәр өлүб вә бир нечә нәфәр јараланыб. Ејни заманда Ираг Күрдүстаны бөлҝәсинин Јүксәк Тәһлүкәсизлик Комитәси, чәршәнбә ҝүнү ҝеҹә бир бәјанат јајараг, билдириб ки, иҹазәсиз нүмајишләрин вә ја топлантыларын кечирилмәси гадағандыр вә иҹтимаи әмлака зәрәр верә биләҹәк истәнилән аксијаларын гаршысы алынаҹагдыр. Бу комитә әлавә едиб: "Һәр кәс рәсми шәкилдә һәбс едиләрсә, гануна әсасән, мәһкәмәјә вериләҹәк, сијаси тәрәфләри вә медиалары һазыркы вәзијјәтә мәсулијјәтли јанашмаға чағырырыг". Өтән ҝеҹә өләнләр дә дахил, сон 7 ҝүн әрзиндә Ирагын шималындакы Сүлејманијјә вилајәтинин етиразларында 9 нәфәр өлүб вә 20-дән чох инсан хәсарәт алыб.
342/
