АБНА24 Хәбәр Верир, сәрәнҹамда дејилир: "44 ҝүн сүрән һәрби әмәлијјатлар нәтиҹәсиндә мүзәффәр Азәрбајҹан Ордусу Ҹәбрајыл, Фүзули, Зәнҝилан, Губадлы шәһәрләрини, Азәрбајҹан халгынын тарихиндә, мәдәнијјәтиндә вә гәлбиндә хүсуси јери олан, Гарабағын таҹы сајылан Шуша шәһәрини, Зәнҝилан рајонунун Минҹиван, Ағбәнд, Бартаз гәсәбәләрини, Хоҹавәнд рајонунун Һадрут гәсәбәсини вә бир чох кәндләрини, Тәртәр рајонунун Суговушан кәнди, Хоҹалы вә Лачын рајонларынын бир нечә кәндләри дахил олмагла үмумиликдә 300-дән чох јашајыш мәнтәгәсини, һәмчинин Ағдәрә, Муровдағ вә Зәнҝилан истигамәтләриндә мүһүм стратежи јүксәкликләри ишғалдан азад етди. Азәрбајҹанын һәрби саһәдә газандығы гәләбәләр, хүсусилә Шушанын дүшмән әсарәтиндән гуртарылмасы мүһарибәнин талејиндә һәлледиҹи рол ојнады, Ермәнистанын өз мәғлубијјәтини етираф етмәси вә капитулјасијасы илә нәтиҹәләнди, Ермәнистаны Кәлбәҹәр, Ағдам вә Лачын рајонларыны Азәрбајҹана гајтармаға мәҹбур етди. Азәрбајҹан Республикасы Конститусијасынын 109-ҹу маддәсинин 32-ҹи бәндини рәһбәр тутараг, өлкә халгынын гүдрәтинин вә милли гүрурунун тәнтәнәсинә чеврилән, Азәрбајҹан дөвләтинин нүфузу вә ҝәләҹәк инкишафы бахымындан мүстәсна әһәмијјәт кәсб едән бу мисилсиз гәләбәнин әбәдиләшдирилмәси мәгсәдилә гәрара алырам: 1. Һәр ил нојабрын 10-у Азәрбајҹан Республикасында Зәфәр Ҝүнү кими тәнтәнәли шәкилдә гејд едилсин. 2. Азәрбајҹан Республикасынын Назирләр Кабинети бу Сәрәнҹамдан ирәли ҝәлән мәсәләләри һәлл етсин”.
342/
