АБНА24 Хәбәр Верир, Пакистан ордусунун сөзчүсү дејиб ки, орду бу өлкә һөкумәтинин Гүдсү ишғал етмиш режимин рәсмән танынмамасы вә бу ганичән режимлә мүнасибәтләрин гурулмамасы барәдәки мөвгејини там шәкилдә һимајә едир. Бабир Ифтихар сионист режимин Пакистан ордусу тәрәфиндн рәсмән танынмасына даир бәзи тәхминләри әсассыз адландырыб. Сон һәфтәләр гәсбкар сионист режими рәсмән танымасы үчүн Пакистана хариҹи тәзјигләрин ҝөстәрилмәси барәдә тәхминләр едилмишди, лакин Пакистанын баш назири вә бу өлкәнин хариҹи ишләр назирлији һәмин ҝүман вә тәхминләри рәдд едибләр. Имран хан демишди ки, Пакистан һөкумәти һеч бир шәраитдә ҹинајәткар сионист режими рәсмән танымајаҹаг. Пакистан халгы дәфәләрлә ҝениш аксијалар кечирәрәк, Гүдсү ишғал етмиш режимин мәзлум Фәләстин халгыны гырғын етмәк үзрә ҹинајәтләрини писләјиб вә фәләстинлиләрин амалларына өз даими дәстәјинә тәкид едәрәк, сионистләрә гаршы нифрәтини елан едибдир.
342/
